बकर–इद मनाइँदै, प्रदेश १, २ र ५ मा सार्वजनिक विदा



काठमाडौं, भदौ ६
इस्लाम धर्मावलम्बीले आफ्नो प्रसिद्ध पर्व बकर–इद आज उत्साहका साथ मनाइरहेका छन् ।

तीन दिनसम्म मनाइने यस पर्वलाई ‘इद–उल–जुहा’ पनि भन्ने गरिन्छ । बलिदानीको पर्वका रुपमा मनाइने यो पर्व इस्लाम महिना जुल हिज्जाको दशौँ दिनमा मनाइन्छ ।

बकर–इदका अवसरमा आज इदगाहमा इस्लाम धर्मालम्बीले पवित्रताका साथ बिहानैदेखि भेला भई नवाज पढेर पर्वको शुभारम्भ गरेका छन् ।

यस पर्वको अवसरमा परिवारका सम्पूर्ण सदस्य अनिवार्यरूपमा नयाँ वस्त्र धारण गर्ने गर्छन् । इदगाहमा नवाज पढेर एकापसमा शुभकामना आदान प्रदान गने चलन छ । बकर–इदमा जनावरलाई ‘कुर्वानी’ अर्थात् बलिदानी गर्ने गरिन्छ ।

पर्वमा जनावरको मासुलाई तीन भाग लगाएर एक भाग आफन्त, एक भाग गरीब परिवार र अर्को भाग आफ्ना लागि राख्ने नियम रहेको छ ।
पर्वको अवरमा आज प्रदेश नम्बर १, २ र पाँचमा सार्वजनिक विदासमेत दिइएको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News