‘अन्तरविरोधले काङ्ग्रेस कमजोर’



दाङ, असोज १४

नेपाली काङ्ग्रेसका उपसभापति विमलेन्द्र निधिले पार्टीभित्रको अन्तरविरोधका कारण काङ्ग्रेसले निर्वाचनमा पराजय भोग्नुपरेको बताउनुभएको छ ।

काङ्ग्रेस राप्ती गाउँपालिकाले दाङको मौरीघाटमा आज आयोजना गरेको कार्यकर्ता भेटघाटमा उहाँले तीन तहको निर्वाचन अन्तरविरोध तथा व्यक्तिगत स्वार्थले गर्दा हार्नु परेको भन्दै पार्टीले हारे पनि देशले भने जितेको तर्क गर्नुभयो ।

“संविधान निर्माणदेखि तीनवटै तहको निर्वाचन गराउन हामी सफल भएका छौँ, पार्टीले हारेको छ तर देशले जितेको छ”, उहाँले भन्नुभयो । निधिले अब सबै अन्तरविरोधलाई मेटाउँदै पार्टीलाई पहिलो पार्टी बनाउनेतर्फ लाग्न कार्यकर्तालाई आह्वानसमेत गर्नुभयो ।

फरक प्रसङ्गमा उपसभापति निधिले देशमा बढ्दै गएको महिला हिंसा, बलात्कार, हत्या, महङ्गी, करवृद्धि सबैको मार जनताले खेपिरहेको भन्दै उहाँले अब सडक र सदनबाट त्यस्ता गतिविधि अन्त्यका लागि काङ्ग्रेसले आवाज उठाउने जानकारी दिनुभयो । रासस

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News