पूर्वी नवलपरासीमा बस दुर्घटना हुँदा पाँच जनाको मृत्यु
नवलपरासी, कात्तिक ४
पूर्वी नवलपरासीको मध्यविन्दु – ११ बाहुनीकुनामा बस दुर्घटना हुँदा पाँच जनाको घटनास्थलमै मृत्यु भएको छ । दुर्घटनामा कम्तीमा ३९ जना घाइते भएका छन् ।
सुनसरीको इटहरीबाट भैरहवाका लागि छुटेको लु १ ख ८४५४ नम्बरको बस पूर्वी नवलपरासीको मध्यविन्दु ११ बाहुनीकुनामा आज बिहान ५ बजे दुर्घटना भएको जिल्ला प्रहरी कार्यालय नवलपुरले जनाएको छ ।
दुर्घटनामा परेका घाइते ३३ जनालाई उपचारका लागि नारायणगढ पठाइएको र ६ जनाको स्थानीय अस्पतालमा उपचार भइरहेको प्रहरीले जनाएको छ ।
प्रकाशित मिति: ४ कार्तिक २०७५, आइतबार
