८ महिनाकी गर्भवती मोनालिसाको श्रीमान, सासु र नन्दबाटै हत्या !

काठमाडौं झापामा आत्महत्या गरेकी भनिएकी मोनालिसा बर्देवाको हत्या भएको खुलाास भएको छ । कन्काइ नगरपालिका ८ खाडी बस्तीमा आफ्नै घरको पुजा कोठामा झुण्डिएर आत्महत्या गरेकी भनिएकी मोनालिसा बर्देवाको आत्महत्या नभई हत्या भएको भन्दै उनकी आमाले जाहेरी दिएकीछन् ।

गत बैशाख १९ गते बेलुका ५ बजे आत्महत्या गरेकी भनिएकी मोनालिसाालई उनका श्रीमान, सासू र नन्दले मिलेर हत्या गरेको उनकी आमाले प्रहरीमा जाहेरी दिएकी छिन् ।

श्रीमान बिशाल चाहार, सासू कमलादेवी चाहार र नन्द जमुनाको मिलेमतोमा हत्या गरि पुजा कोठामा झुण्डाएको भन्दै इलाका प्रहरी कार्यालय अनारमनी बिर्तामोडमा आमा देविका दासले जाहेरी दिएकी हुन् । दासका अनुसार आफ्नी छोरीलाई २०७३ साल ११ महिना २२ गतेका दिन ललाई फकाइ गरि कन्काइ ८ का बिशालले बिवाह गरेका थिए ।

देविकाका अनुसार सासु र नन्दले छोरी मोनोलिसासगँ बिना कारण दिनहुँ जसो झगडा गर्ने र श्रीमान बिशालले दिनहु जसो मादक पदार्थ र लागुऔषध सेवन गरेर घरमा श्रीमती मोनोलिसालाई दैनिक दुर्व्यवहार गर्ने गरेको थिए ।

कुटपिट गर्ने र ज्यान मान्ने धम्की दिने र कसैलाई केहि भनिस भने तेरो नग्न तस्वीर सामाजिक संजालमा हालदिन्छु भन्दै सामाजिक तथा मानसिक यातना दिने गरेको देविकाले जाहेरीमा उल्लेख गरेकी छन् । उनी ८ महिनाकी गर्भवती भएकाे उनकी अामाले बताएकी छन् ।

इलाका प्रहरी कार्यालय अनारमनि बिर्तामोडका प्रहरी इन्स्पेक्टर सुनिल श्रेष्ठले घटनाबारे अनुसन्धान भइरहेको बताए ।