मन्त्रीपरिषदको निर्णयबिरुद्ध काठमाडौमा मसाल जुलुस
काठमाडौं । बिषादीयुक्त तरकारी तथा फलफुल निर्वाधरुपमा नेपाल भित्राउन दिन मन्त्रीपरिषदले गरेको निर्णयबिरुद्ध राजधानी काठमाडौमा मसाल जुलुस निस्केको छ ।
भातरबाट आउने तरकारी तथा फलफुलको बिषादी परीक्षण नै नगरी नेपाल भित्रिन दिने निर्णय मन्त्रीपरिषदको बैठकले गरेको थियो । मन्त्रीपरिषदको निर्णयबिरुद्ध नेपाल बिद्यार्थी संघले विहीवार साँझ राजधानीका विभिन्न ठाउँमा मसाल जलाएको छ ।
मसाल जलाउन सडकमा निस्केका नेविसंघका कार्याकर्तालाई प्रहरीले पक्राउ पनि गरेको छ । बालाजु बाइसधारादेखि बालाजु र पुतली सडकमा मसाल जुलुस निकालिएको थियो । प्रहरीले जुलुसमा सहभागीलाई नियन्त्रणमा लिएको छ । बागबजार र पुतली सडकको मसाल जुलुसमा पनि प्रहरीले हस्तक्षेप गरेको छ ।
प्रकाशित मिति: २६ असार २०७६, बिहिबार