इलाम र झापाबाट फर्किएलगत्तै खानेपानी मन्त्री मगर अस्पताल भर्ना

काठमाडौं, भदौ २९
इलाम र झापामा पार्टीका कार्यक्रममा सहभागी भएर काठमाडौं फर्किएलगत्तै खानेपानी तथा सरसफाइमन्त्री बिना मगर अस्पताल भर्ना भएकी छन् ।

पिसाबमा इन्फेक्सन भएपछि मगरलाई शुक्रबार अस्पताल भर्ना गरिएको बताइएको छ ।

नेकपाका अध्यक्ष पुष्पकमल दाहाल प्रचण्डकी छोराबुहारी समेत रहेकी मन्त्री मगर केही दिन अघि पार्टीका कार्यक्रमहरुमा सहभागी हुन इलाम र झापा पुग्नुभएको थियो ।

मन्त्री मगरलाई ललितपुर भैंसेपाटीस्थित मेडसिटी अस्पतालमा भर्ना गरिएको छ ।

उनलाई भेट्न नेपाल कम्युनिस्ट पार्टी (नेकपा)का दोस्रो अध्यक्ष दाहाल ‘प्रचण्ड’ शनिबार बेलुका अस्पताल पुगेका छन् ।