बसको ठक्करबाट एक जनाको मृत्यु
काठमाडौं, भदौ ३१
धरान–विराटनगर सडकखण्ड अन्तर्गत इटहरीमा बसको ठक्करबाट एक जनाको मृत्यु भएको छ ।
धरानबाट बिराटनगर जाँदै गरेको को १ ख २७४७ नम्बरको बसले ठक्कर दिँदा मोरङको रतुवामाई नगरपालिका वडा नम्बर ७ का ३४ वर्षीय मंगलसिंह दमाईको मृत्यु भएको हो ।
बसको ठक्करबाट घाइते भएका दमाईको बिराटनगरको कोशी अञ्चल अस्पताल लैजानेक्रममा बाटोमै मृत्यु भएको पूर्व क्षेत्रीय ट्राफिक प्रहरी कार्यालय ईटहरीले जनाएको छ ।
प्रकाशित मिति: ३१ भाद्र २०७६, मंगलबार
