प्रचण्डपुत्र प्रकाश दाहाललाई श्रद्धाञ्जली दिन नेता कार्यकर्ता खुमलटारमा, यसरी भएको थियो निधन



काठमाडौँ, कात्तिक ३

नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ का पुत्र प्रकाश दाहालको निधन भएको आज दुई वर्ष पुगेको छ । २०७४ साल मङ्सिर ३ गते दाहालको हृदयघातबाट निधन भएको थियो । सबै जना मंसिर १० र २१ मा हुने चुनावमा खटिइरहेका बेला, परिवारका सदस्य समेत बाहिर रहेका बेला दाहाललाई २०७४ साल मंसिर ३ गतेको विहानै हृदयघात भएको थियो । त्यसपश्चात नर्भिक अस्पताल लगिएकोमा मृत घोेषणा गरिएको थियो । प्रकाशको निधन हुँदा प्रचण्ड केपी ओलीको गृहजिल्ला झापामा थिए ।

स्वर्गीय दाहाललाई स्मरण गर्न नेकपाका नेता तथा कार्यकर्ताहरु खुमलटारस्थित प्रचण्ड निवास खुमलटार पुगेर दाहालको फोटोमा माल्यार्पण गरेका हुन् । खुमलटार पुगेका नेता कार्यकर्ताहरुले स्वर्गीय प्रकाशलाई श्रद्धाञ्जली अर्पण गर्दै परिवारप्रति समवेदना र सद्भाव दर्शाएका छन् ।

श्रद्धाञ्जली सभाका लागि औपचारिक कार्यक्रम भने नराखिएको प्रचण्डको सचिवालयले जनाएको छ । ‘कुनै औपचारिक कार्यक्रम राखिएको छैन । तर अनौपचारिक रुपमा फोटोमा माल्यार्पण गर्न तथा स्वर्गीय दाहाललाई स्मरण गर्न नेता कार्यकर्ता बिहानैबाट खुमलटार आउनुभएको छ,’ प्रचण्डका प्रेस संयोजक विष्णु सापकोटाले जानकारी दिए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News