धनगढी, मंसिर १०

महिला हिंसाविरुद्धको १६ दिने अभियान सुरु भएकै दिन सोमबार राति कैलालीको गोदावरीको जंगलबाट एक महिलाको उद्दार गरिएको छ । गोदावरी वडा नम्बर ४ को खैरानाको बिच जंगलबाट अन्दाजी २४/२५ वर्षीया महिलाको अलपत्र अवस्थामा राति ९ बजेको समयमा उद्दार गरिएको हो ।

सुदूरपश्चिम प्रदेशको सामाजिक विकास मन्त्री कृष्णराज सुवेदीका स्वकिय सचिव  शेरसिंह विष्टसहितको युवाहरुको टोलीले महिलाको उद्दार गरेर इलाका प्रहरी कार्यालयको जिम्मा लगाएको छ ।

विष्टकाअनुसार गोदावरी नगरपालिका वडा नम्बर ६ घर भएकी राना थरकी ती महिलाले आफू श्रीमानबाट पीडित भएको बताएकी छन् ।