नेकपा विप्लव समूहका कञ्चनपुर सचिव पक्राउ

कञ्चनपुर, कार्तिक १४
नेपाल कम्यूनिष्ट पार्टी (विप्लव समूह) कञ्चनपुरका पार्टी कार्यालय सचिव पक्राउ परेका छन । जिल्ला प्रहरी कार्यालय कञ्चनपुरको टोलीले बिहीबार नेकपा जिल्ला पार्टी कार्यालय सचिव शंकर महरालाई पक्राउ गरेको हो ।

महरा विरुद्ध यसअघि आगजनी, विस्पोटका घटनामा संलग्न भएकाले पक्राउ गरिएको कञ्चनपुरका प्रहरी प्रवक्ता अमर बहादुर थापाले बताए । महरालाई महेन्द्रनगरबाट पक्राउ गरिएको उनले बताए ।

नेकपा कञ्चनपुरले भने आफ्ना नेता कार्यकर्तालाई झुटा मुद्दा लगाएर फसाउने काम गरेको भन्दै महराको ससम्मान रिहाईको माग गरेको छ । नेता कार्यकर्तामाथि अनावश्यक धरपकट नगर्न समेत नेकपा कञ्चनपुरले चेतावनी दिएको छ ।