थप १५० जनामा कोरोना संक्रमण पुष्टि, तीनको मृत्यु
काठमाडौं, चैत्र ९
नेपालमा पछिल्लो २४ घण्टामा थप १५० जनामा कोरोना संक्रमण पुष्टि भएको छ ।
देशभरका प्रयोगशालामा गरिएको परिक्षणमा १५० जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कुल कोरोना संक्रमितको संख्या २ लाख ७६ हजार ५६ पुगेको छ ।
पछिल्लो २४ घण्टामा ९९ जना कोरोना संक्रमणमुक्त भएका छन् । हालसम्म २ लाख ७२ हजार २० जना संक्रमणमुक्त भएका छन् ।
अहिलेसम्म नेपालमा कोरोनाबाट ज्यान गुमाउनेको संख्या तीन हजार १९ पुगेको छ ।
आज कोरोनाबाट थप तीन जनाको मृत्यु भएको मन्त्रालयको वेभसाइटमा उल्लेख छ । नेपालमा हाल सक्रिय संक्रमितको संख्या १०१७ रहेको छ ।
प्रकाशित मिति: ९ चैत्र २०७७, सोमबार
