होटेलमा २१ वर्षीया युवती मृत फेला
रुपन्देही, असार २६
बुटवलको एक होटेलमा पुरुषसँगै बास बसेकी युवती मृत फेला परेकी छन् ।
पूर्वी पाल्पाली गाल्धाली होटेलमा असार २४ गते राति बास बसेकी २१ वर्षीय सदीक्षा गुरुङ कोठामा झुण्डिएको अवस्थामा मृत फेला परेकी हुन् ।
मृतक गुरुङ बुटवल वडानंम्बर २ की बासिन्दा भएको जिल्ला प्रहरी कार्यालय रुपन्देहीले जनाएको छ ।
मृतकका आफन्तहरूले शव पोष्टमार्टमका लागि लुम्बिनी प्रादेशिक अस्पताल पुर्याएका छन् । सदीक्षासँगै बसेका युवक पक्राउ परेको र थप अनुसन्धान भइरहेको प्रहरीले जनाएको छ ।
प्रकाशित मिति: २६ असार २०७९, आइतबार
