सशस्त्र प्रहरीको आधिकारिक फेसबुक पेज ह्याक

काठमाडौं, चैत्र २८
सशस्त्र प्रहरी बल नेपालको आधिकारिक फेसबुक पेज ह्याक भएको छ ।

मंगलबार उक्त अकाउन्टबाट भियतनामी शब्दमा पोस्ट राखिएपछि पेज ह्याक भएको हो ।

सशस्त्र प्रहरी बलको उक्त फेसबुक पेजमा ‘जो गत शरदमा फर्किए’ लेखी पोस्ट गरिएको छ ।

एपीएफको पेजमा अनधिकृत रूपमा प्रवेश गरेर विदेशी शब्दमा कन्टेन्ट राखिएको छ ।

केही समय अघि नेपाली सेनाको साइबर स्पेशमा हमला गरेको आरोपमा एक जनालाई प्रहरीले पक्राउ गरेको थियो।

अहिले प्राविधिक टोलीले उक्त पेजलाई पुन नियन्त्रणमा ल्याउने प्रयास गरिरहेको सशस्त्र प्रहरीले जनाएको छ ।