कोशी प्रदेशमा आगामी आर्थिक वर्षको बजेट प्रस्तुत गरिँदै, प्रतिपक्षी दलहरुद्वारा बहिस्कार
विराटनगर, जेठ ३२ । कोशी प्रदेश सरकारले आगामी आर्थिक वर्ष २०८०/८१ को लागि अध्यादेशबाट ल्याएको बजेट सार्वजनिक गर्दैछ ।
बजेट सार्वजनिक गर्ने कार्यक्रममा विपक्षी दल नेपाली कांग्रेस, नेकपा माओवादी केन्द्र, नेकपा (एकीकृत समाजवादी) र जसपाले बहिष्कार गरेका छन् ।
उनीहरूले अल्पमतमा परेको सरकारले विश्वासको मत लिनुको साटो संविधान विपरीत अध्यादेशमार्फत बजेट ल्याएको भन्दै बहिष्कार गरेका हुन् ।
कोशी प्रदेश आर्थिक मामिला तथा योजना मन्त्रालयको जिम्मेवारी समेत लिएका मुख्यमन्त्री हिक्मतकुमार कार्कीले बजेट प्रस्तुत गरेका हुन् ।
आर्थिक मामिला मन्त्रालयमा आयोजित बजेट सार्वजनिक कार्यक्रममा सरकारका मन्त्रीहरू, एमाले र राप्रपाका सांसद तथा नेता, विभिन्न मन्त्रालयका सचिवहरू, उच्चपदस्थ कर्मचारी, उद्योगी, सञ्चारकर्मी लगायतको उपस्थिति रहेको छ ।
बुधबार प्रदेशसभामा प्रदेश प्रमुख पर्शुराम खापुङले सरकारको तर्फबाट आगामी आर्थिक वर्षको नीति तथा कार्यक्रम प्रस्तुत गरेपछि बजेट अधिवेशन अन्त्य गर्दै सरकारले अध्यादेशमार्फत बजेट ल्याएको हो ।
प्रकाशित मिति: ३२ जेष्ठ २०८०, बिहिबार