भीरबाट पाँचसय मिटर तल खस्यो जीप, दुई जनाको मृत्यु
बागलुङ, असार ६ । बागलुङमा आज (बुधबार) विहान जीप दुर्घटना हुँदा दुई जनाको मृत्यु भएको छ।
जिल्लाको गलकोटबाट सदरमुकाम जाँदै गरेको ग १ च ९४८५ नम्बरको जीप मध्यपहाडी लोकमार्गमा पर्ने काठेखोला गाउँपालिका–५ ठूलढुंगामा दुर्घटना भएको हो।
जीप सडकबाट पाँच सय मिटर तल खसेको जिल्ला प्रहरी कार्यालय बागलुङका डिएसपी मदन केसीले बताए । उनका अनुसार दुर्घटनामा कुश्मा नगरपालिका–१ बागलुङ २९ वर्षीय राजेन्द्र माझी र जैमिनी नगरपालिका–१० राङखानी घर भइ बागलुङ नगरपालिका–२ श्रीनगर बस्ने दुर्गा पौडेलको मृत्यु भएको छ ।
दुर्घटनाग्रस्त जीप र मृतकको शव सडकबाट पाँच सय मिटर तल खोँचमै रहेको उनले बताए। भीर भएका कारण मृतकको उद्दारमा समस्या रहेको उनले बताए।
प्रकाशित मिति: ६ असार २०८०, बुधबार