काठमाडौं गोलीकाण्ड : धरानबाट थप एक जना पक्राउ
काठमाडौं, असार ६ । लागुऔषध कारोबारी भारतीय नागरिक विकास भगतसँग सम्बन्ध देखिएका एक जनालाई प्रहरीले धरानबाट पक्राउ गरेको छ ।
लागूऔषध नियन्त्रण ब्यूरो (एनसीबी) काठमाडौंसँग भएको मुठभेडमा गोली लागेर घाइते भएका भगतसँग सम्बन्ध देखिएका प्रहरीले राम भजनलाई पक्राउ गरेको हो ।
ब्यूरोका एसपी चक्रराज जोशीका अनुसार धरानको भानु चोकस्थित सब्जीमण्डीबाट प्रहरीले राम भजनलाई पक्राउ गरेको हो । उनका अनुसार भारतीय नागरिक भगत जोगवनी नाकाबाट नेपालमा लागूऔषध ब्राउन सुगर भित्र्याउने नाइके हुन् ।
प्रकाशित मिति: ६ असार २०८०, बुधबार