नक्कली शरणार्थी प्रकरणमा थप एक जना पक्राउ
काठमाडौं, असार २८ । नक्कली भुटानी शरणार्थी प्रकरणमा प्रहरीले थप एक जनालाई पक्राउ गरेको छ ।
काठमाडौँ उपत्यका अनुसन्धान कार्यालयको टोलीले प्रहरीले काठमाडौंको असनका केशव तुलाधरलाई राजधानीको सानो भर्याङबाट पक्राउ गरेको हो।
जाहेरवाला गजेन्द्र बुढाथोकी लगायतका व्यक्तिहरूलाई ठगी गर्ने कार्यमा संलग्न रही फरार रहेका तुलाधरलाई पक्राउ गरिएको प्रहरीले जनाएको छ ।
उनलाई ठगी तथा सङ्गठित अपराध समेतको कसुरमा आवश्यक कारबाहीको लागि जिल्ला प्रहरी परिसर, टेकु पठाइएको कार्यालयका प्रहरी उपरीक्षक तथा रवीन्द्र रेग्मीले जानकारी दिए ।
यससंगै परेसँगै नक्कली भुटानी शरणार्थी प्रकरणमा पक्राउ पर्नेको सङ्ख्या १९ पुगेको छ । यसअघि नै जिल्ला अदालत काठमाडौँको आदेशमा बालकृष्ण खाण, टोपबहादुर रायमाझीलगायत प्रतिवादी पुर्पक्षका लागि थुनामा रहेका छन् ।
प्रकाशित मिति: २८ असार २०८०, बिहिबार
