सन्दीप लामिछानेको बलात्कार सम्बन्धी मुद्दाको पेशी आज
काठमाडौं, भदाैं १०
क्रिकेटर सन्दीप लामिछानेविरुद्धको मुद्दाको पेशी आजका लागि तोकिएको छ । सो मुद्दाको अन्तिम बहस पटक–पटक स्थगित हुँदै आएको छ ।
अदालतले आइतबारका लागि पुनः अन्तिम पेशी तोकेको हो । सन्दीपविरुद्धको बलात्कार मुद्दा काठमाडौं जिल्ला अदालतमा विचाराधीन छ ।
१७ वर्षकी एक किशोरीले सन्दीपले आफूलाई काठमाडौंको एक होटलमा लगेर पटक–पटक बलात्कार गरेको भन्दै अघिल्लो वर्ष भदौ २१ गते प्रहरी वृत्त गौशालामा जाहेरी दिएकी थिइन् ।
यस्तै सन्दीप सफाइ पाएको अवस्था वा मुद्दाको टुङ्गो नलागेमा आइतवार राति नै एसिया कप खेल्न पाकिस्तान जाने तयारीमा छन् ।
प्रकाशित मिति: १० भाद्र २०८०, आइतबार
