कोइला व्यवसायी दई महिनादेखि सम्पर्कविहीन
झापा, भदौ २३ । झापाको मेचीनगरका कोइला व्यवसायी दुर्गाप्रसाद दाहाल विगत अढाइ महिनादेखि सम्पर्कविहीन भएका छन् ।
भारतबाट कोइला आयात गरेर नेपालमा रहेका इँटा उद्योगमा आपूर्ति गर्ने व्यवसाय सञ्चालन गर्दै आएका मेचीनगर–६ का ५१ वर्षीय दाहाल बेपत्ता भएका हुन् ।
उनीसँग गत असार २ गते अन्तिम पटक फोनमा सम्पर्क भएको उनकी पत्नी शोभा दाहालले बताइन् । उनले इलाका प्रहरी कार्यालय काँकडभिट्टामा खोजीका लागि निवेदन दिएको बताइन् ।
उनको खोजीकार्य गरिरहेको इप्रका काँकडभिट्टाका प्रहरी नायब उपरीक्षक दीपक भारतीले जानकारी दिए ।
दाहालका चार वर्षीय एक छोरा र १८ वर्षीया छोरी छन् । पत्नी शोभाले नातागोता, साथी र प्रहरीको सहयोगमा खोजीकार्य जारी रहेता पनि पत्ता लाग्न नसकेकामा चिन्ता व्यक्त गरिन् ।
प्रकाशित मिति: २३ भाद्र २०८०, शनिबार
