सांसद् साम्बाले भने – सांसदहरुको योजना छनोट गरेको लागू गरौँ

उर्लाबारी, जेठ २४

प्रदेश १ का एक संसदले भने सांसद विकास कोष खारेजीको माग गरेका छन् । सत्तापक्षका सांसद कुलप्रसाद साम्बाले मंगलबार बसेको प्रदेशसभा बैठकमा अन्य सांसदको भन्दा भिन्न माग राख्दै संसद विकास कोष खारेजीको माग गरेका हुन् । सांसद् साम्बाले भनेका छन् – प्रदेश न १ प्रदेश सरकारबाट राम्रो योजना छनोट गर्दा प्रदेशसभा सदस्यहरुले योजना छनोट गरेको लागू गर्ने हो भने निर्वाचन क्षेत्र बिकास कोष खारेज गर्दा राम्रो हुन्छ ।

प्रदेश सभामा पेश भएको विनियोजित विधेयकमा समावेश हुने बजेट तथा कार्यक्रमको सिद्धान्त, उद्देश्य, प्रथमिकता र प्रमुख नीतिसहितको पूर्व बजेट सम्बन्धमा छलफलमा भाग लिदै साम्बाले संसद विकास कोष मागी खाने भाँडो बनेको भन्दै खारेजीको माग गरेका हुन् ।

‘एउटै संसदको ५० वटा योजना आवश्यक छैन’,उनले भने ‘यो संसदहरुको मागी खाने भाँडोजस्तो मात्र बनेको छ, सरकारले संसदहरुको निर्वाचन क्षेत्रको विकासका लागि छुटाउने सांसद विकास कोष खारजी गर्नुपर्छ ।’