गर्भ रहेको थाहा पाएपछि बलात्कारको उजुरी, एक जना पक्राउ
काठमाडौं, जेठ १४
युवतीलाई बलात्कार गरेको आरोपमा अर्जुनचौपारी गाउँपालिकाका एक पुरुष पक्राउ परेका छन् ।
युवतीको उजुरीको आधारमा प्रहरीले पुरुषलाई पक्राउ गरेर अनुसन्धान कार्य अगाडि बढाएको प्रहरीले जनाएको छ ।
१९ वर्षीया युवतीले ४० वर्षीय पुरुषले आफूलाई बलात्कार गरेको भन्दै जिल्ला प्रहरी कार्यायलमा उजुरी दिएको प्रहरीले जनाएको छ ।
जिल्ला प्रहरी कार्यालय स्याङ्जाका प्रमुख प्रहरी उपरीक्षक विमलराज कँडेलले युवतीले लामो समयसम्म महिनावारी नभएको र पेट बढ्दै गएपछि गर्भ रहेको थाहा पाएको भन्दै प्रहरीमा उजुरी दिएको बताएका छन् ।
उनकाअनुसार बलात्कारको आरोप लागेका पुरुष र युवती नाता सम्बन्धले दाजु बहिनी पर्ने हुन् । आरोपित पुरुषलाई जिल्ला अदलातबाट म्याद थप गरी अनुसन्धान भइरहेको जिल्ला प्रहरी कार्यालय स्याङ्जाले जनाएको छ ।
प्रकाशित मिति: १४ जेष्ठ २०७७, बुधबार
