काठमाडौं, जेठ ११ । प्रहरी वृत सातदोवाटोले बलात्कार आरोपमा काठमाडौंको तार्केश्वर नगरपालिका–५ स्थित गोलढुंगाबाट एक युवकलाई पक्राउ गरेको छ । पक्राउ पर्नेमा गोरखाको बारपाक सुलिकोट गाउँपालिका–५ घर भएर गोलढुंगा बस्ने ३६ वर्षीय आशिष थापा छन् ।

उनले ललितपुर स्थित निजको टहरामा गएर छोराछोरीसंग सुतिरहेकी २८ वर्षीया युवतीलाई बलात्कार गरेको प्रहरी वृत सातदोवाटोले जनाएको छ । पीडितले जेठ ३ मा प्र्रहरी वृत सातदोवाटोमा जाहेरी दिएकी थिइन् ।

आरोपीलाई प्रहरी वृत बालाजुको समन्वयमा पक्राउ गरिएको प्रहरी वृत सातदोवाटोले जनाएको छ । थापाविरुद्ध अदालतबाट ७ दिनको म्याद लिएर प्रहरीले अनुसन्धान गरिरहेको छ ।