चार जना मृत फेला, दुईजनाकाे पहिचान खुल्न बाँकी
काठमाडौं, साउन २२ । देशका विभिन्न ठाउँमा सोमबार चार जना मृत फेला परेका छन् ।
नेपाल प्रहरीको केन्द्रीय समाचार कक्षका अनुसार रुपन्देही, तनहुँ, कालिकोट र उदयपुरमा गरेर चार जना मृत फेला परेका हुन् ।
प्रहरीका अनुसार रुपन्देहीको तिलोत्तमा नगरपालिका–६ मा एक जना मृत फेला परेका छन् । गैडहवा गाउँपालिका–२ बस्ने ५० वर्षीय शंकराते थारु तिलोत्तमा नगरपालिका–६ स्थित पानीको कुलोमा सोमबार मृत फेला परेका हुन् ।
तनहुँको भिमाद नगरपालिका–७ सेती नदीको किनारमा हाल नाम, थर, वतन नखुलेका अन्दाजी ७० वर्षीय पुरुष सोमबार मृत अवस्थामा फेला परेका छन् ।
कालिकोट, खाडाचक्र नगरपालिका-२ सुनार खोला बस्ने ८१ वर्षीया लाईशोभा जैसी सोही ठाउँस्थित भिरमा सोमबार मृत अवस्थामा फेला परेकी छन् ।
यस्तै उदयपुरको कटारी नगरपालिका–१ चौफालघाटस्थित कमला खोलामा हाल नाम, थर, वतन नखुलेका करिब ६० वर्षीय पुरूष सोमबार मृत अवस्थामा फेला परेका छन् ।
यी सबै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
प्रकाशित मिति: २२ श्रावण २०८०, सोमबार