छाउगोठमा सर्पको टोकाइबाट किशोरीको मृत्यु
बैतडी, साउन २४ । बैतडीमा छाउपडी गोठमा सर्पको टोकइबाट एक किशोरीको मृत्यु भएको छ ।
जिल्लाको पञ्चेश्वर गाउँपालिका–४ फ्याउलीकी १६ वर्षीया अनिता चन्दको सर्पको टोकाइबाट मृत्यु भएको हो ।
महिनावारी भएको बेला गोठमै सुतिरहेको अवस्थामा अनितालाई मंगलबार राति सर्पले टोकेको र बुधबार बिहान मृत्यु भएको पञ्चेश्वर गाउँपालिकाकी उपाध्यक्ष बीना भट्टले बताइन् ।
गोठमा सुतेकी अनितालाई मंगलबार मध्यराति सर्पले टोकेको थियो । अनिता जवलपुर मावि सैलोडामा अध्ययनरत थिइन् ।
प्रकाशित मिति: २४ श्रावण २०८०, बुधबार