जातीय एवं धार्मिक सद्भाव बिथोल्ने प्रयास भइरहेको छ : गृहमन्त्री
काठमाडौं, भदौ २५ । उपप्रधान एवं गृहमन्त्री नारायणकाजी श्रेष्ठले जातीय एवं धार्मिक सद्भाव बिथोल्न द्वन्द्व निम्त्याउने प्रयास भइरहेको बताएका छन् ।
ज्यापु समाज यलले सोमबार ललितपुरमा आयोजना गरेको कार्यक्रममा बोल्दै श्रेष्ठले द्वन्द्व पैदा गर्ने प्रयास भइरहेको भन्दै सचेत हुनुपर्ने बताएका हुन् ।
मन्त्री श्रेष्ठले नेपाली समाजको मौलिक परम्परा बिर्गान खोज्ने षडयन्त्रलाई सफल हुनु नदिने स्पष्ट पारे । श्रेष्ठले राजनीतिक परिवर्तनसंगै आधारभूत आवश्यता पूरा होस् भन्ने आकांक्षा जनताको रहेको भन्दै यसप्रति सरकार गम्भीर भएर काम गरिरहेको जिकिर गरे ।
नेपाली जनताले चाहेजस्तो समृद्धि पूरा हुन नसकेको भन्दै उनले सरकारको गम्भीर कार्यभार विकास समृद्धितर्फ अघि बढ्नु भएको उल्लेख गरे ।
प्रकाशित मिति: २५ भाद्र २०८०, सोमबार
