६ वर्षीय बालकको अपहरणपछि हत्या
काठमाण्डौँ , असोज २८
बाराको सिम्रौनगढ–३ मा ६ वर्षीय बालकको अपहरणपछि हत्या भएको छ । स्थानीय धनेश्वर यादवका छोरा दीपकको अपहरणपछि हत्या भएको हो । अपहरणकारीले फिरौती वापत १० लाख रुपैयाँ माग गरेका थिए । तर, फिरौती रकम नपारएपछि हत्या गरेको जनाइएको छ ।
जिल्ला प्रहरी कार्यालय, बाराले घटनामा संलग्न भएको आरोपमा दुई जनालाई पक्राउ गरेको छ । पक्राउ पर्नेमा स्थानीय सुरेन्द्र कुशवाहा र श्यामसुन्दर बैठा छन् । उनीहरुलाई नियन्त्रणमा लिएर थप अनुसन्धान भइरहेको जनाइएको छ ।
प्रकाशित मिति: २८ आश्विन २०७५, आइतबार