राष्ट्रियताबारे ईश्वरका पाँच मुक्तक

१
पूर्व मेची पश्चिम् महाकाली जाग्नु पर्छ अब।
उठ मधेसी, पहाडी, हिमाली जाग्नुपर्छ अब।
दिनहुँ मिचिदैछ्न सीमाहरु कति सहेर बस्ने
मातृभूमि जोगाउन नेपाली जाग्नुपर्छ अब।

२
भित्र–भित्रै यिनिहरु सबै मिलेको हुनपर्छ।
जनता भुलाउनलाई नाटक गरेको हुनुपर्छ।
छिमेकीले सीमा मिचेको थाहा छैन भन्छन्
भ्रष्ट नेताहरूले पक्कै देश बेचेको हुनुपर्छ ।

३
काम होस् वा नहोस् दिनहुँ भत्ता चाहिन्छ।
महँगो गाडी अनि महङ्गै लुगालत्ता चाहिन्छ।
अर्कैले देश लुटेर लगेपनी कुनै वास्ता हुन्न
मेरो देशको नेतालाई, मात्र सत्ता चाहिन्छ।

४
कहाँ कति छ सीमा सबै अब लगत राख्नुपर्छ।
देशको लागि जीउ ज्यान जमानत राख्नुपर्छ।
किन लाचार बनेको सरकार विदेशीको सामु
गुमेको भूमी फिर्ता माग्ने हिम्मत राख्नुपर्छ

५
लागौं हामी सबै बनाउन नेपाल आमालाई।
पाइरहूँ छातीमा सजाउन नेपाल आमालाई।
गिद्दे नजर लगाउदै छ छिमेकीले आज फेरि
जागौं उठौं अब बचाउन नेपाल आमालाई।

ईश्वर कुँवर ‘साँफे’
धनगढी, कैलाली ।