हेवा खोलाबाट उत्पादित विद्युत राष्ट्रिय प्रशारणलाइनमा जोडियो

काठमाडौ, फागुन ६

पाँचथरको याङनाम र नाँगिनमा रहेको हेवा खोला जलविद्युत परियोजना ‘ए’ बाट उत्पादित १० दशमलव ६ मेगावाट विद्युत केन्द्रीय प्रशारण लाइनमा जोडिएको छ ।

केन्द्रीय प्रशारण लाइनमा जोडिएपछि लोडसेडिङ अन्त्यका लागि सघाउ पुग्ने उर्जा मन्त्रालयले जनाएको छ ।

पाँचथर पावर कम्पनीले जिम्मा लिएको आयोजनाको निर्माण सकिँदा २ अर्ब ६० करोड रुपैयाँ खर्च भएको कम्पनीका प्रवन्ध निर्देशक पुष्पज्योति ढुंगानाले जानकारी दिए ।