कर्णाली नदीमा जीप खस्यो, चालक बेपत्ता
![](https://www.deshkonews.com/wp-content/uploads/2020/02/jeep.jpg)
कालिकोट, फागुन १३
कर्णाली करिडोरमा जीप खसेको छ । कालिकोटको नरहरीनाथ गाउँपालिका १ जिते बजारको पुल पारी कर्णाली करिडोरमा बिहान १० बजेतिर जीप कर्णालीमा खसेको हो । १ च ४१४१ नम्बरको जीप कर्णालीमा खस्दा चालक बेपत्ता भएका छन् ।
प्रहरीका अनुसार जीप चालक दैलेखको गुराश गाउँपालिका ४ का चक्रबहादुर खड्का बेपत्ता भएका हुन् । उनको खोजी भइरहेको छ ।
कर्णाली करिडोरमा संचालन हुने उक्त जीप जिते बजारको पुल पारी यात्रुलाई झारेर मोड्नेक्रममा दुर्घटना भएको जिल्ला प्रहरी कार्यालय कालिकोटका सूचना अधिकारी यक्षराज जोशीले बताए ।
जीप नदीबाट निकाल्ने काम भइरहेको छ ।
प्रकाशित मिति: १३ फाल्गुन २०७६, मंगलबार