भारतले भन्यो, ‘सडक भारतीय भूमिमै बनाएका छौं’ (विज्ञप्तिसहित)
![](https://www.deshkonews.com/wp-content/uploads/2020/05/Bidesh-mantralaya.jpg)
काठमाडौं, वैशाख २७
भारतले तिब्बतको मानसरोबर जोड्न बनाइएको सडक आफ्नै भूमिमै बनाएको दाबी गरेको छ। नेपालले नेपाली भूमि लिपुलेक हुँदै सडक निर्माण गरेको भन्दै चासो जनाएपछि भारतले यस्तो दाबी गरेको हो ।
भारतले नेपाली भूभाग लिपुलेक हुँदै मानसरोवर जाने सडक बनाएर उद्घाटन गरेपछि नेपाल सरकारले आपत्ति जनाएको थियो । भारतीय विदेश मन्त्रालयले शनिबार साँझ विज्ञप्ति निकाल्दै सडक भारतीय क्षेत्रमा नै बनेको दाबी गरेको छ।
‘यो सडकले कैलाश मानसरोवर यात्राका तीर्थयात्रीहरुले प्रयोग गर्ने पहिलाकै बाटो पछ्याइएको छ’ वक्तव्य भनेको छ ।
नेपाल र भारतको सीमा विवाद समाधान गर्न संयन्त्र बनेको भन्दै उसले कूटनीतिक सम्वादबाट समस्या समाधान गर्न प्रतिबद्ध रहेको बताएको छ ।
दुबै देश कोरोना महामारीपछि परराष्ट्र सचिवस्तरीय वार्ताको मिति तय गर्न प्रयासरत रहेको समेत भारतीय विदेश मन्त्रालयले जनाएको छ । नेपाली भूमिमा सडक निर्माण गरेको भन्दै नेपालमा भारतको विरोध भइरहेको छ ।
![](https://www.deshkonews.com/wp-content/uploads/2020/05/press-bigyapti-768x510.jpg)
प्रकाशित मिति: २७ बैशाख २०७७, शनिबार