कांग्रेस बागमती प्रदेश सदस्यमा रसुवाका तीन जना निर्वाचित



रसुवा, मंसिर २३
नेपाली कांग्रेसको बागमती प्रदेश सदस्यमा रसुवाका तीन जना निर्वाचित भएका छन् । कांग्रेसको १४औं महावेशनअन्तर्गत भएको बागमती प्रदेशको अधिवेशनबाट रसुवाका तीन जना सदस्यमा निर्वाचित भएका हुन् ।

खुल्ला सदस्यमा भएको निर्वाचनमा नेपाली कांग्रेस रसुवाका नेता तथा उत्तरगया गाउँपालिकाका अध्यक्ष उपेन्द्र लम्साल निर्वाचित भएका छन् । खुल्ला सदस्यमा ६ जनाका लागि १८ जनाको उम्मेदवारी परेको थियो । जसमा लम्साल ७५२ मत प्राप्त गरेका छन् । खुल्ला सदस्यमा उनी तेस्रो स्थान रहेको बताइएको छ ।

त्यसैगरि बागमती प्रदेश सदस्यमा भूगोलतर्फ महिलाबाट शेषकुमारी अधिकारी र नेपाली कांग्रेस रसुवाका पूर्व सभापतिसमेत रहेका नेता लामाकार्पू तामाङ निर्विरोध निर्वाचित भएका छन् ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News