ऋषि कट्टेल पार्टीबाट निष्कासित



काठमाडौं, माघ १६
नेकपा (माओवादी केन्द्र) र एमाले मिलेर बनेको नेकपा फुटाउने टुल्स बनेका नेपाल कम्युनिष्ट पार्टीका अध्यक्ष ऋषि कट्टेल पार्टीबाट निष्कासित भएका छन् । पार्टी अहितमा काम गरेको भन्दै कट्टेललाई सो पार्टीले साधारण सदस्य समेत नरहने गरी निष्कासित गरेको हो ।

सो पार्टीका कार्यवाहक अध्यक्ष तथा एकताको राष्ट्रिय सम्मेलन तयारी समितिका संयोजक लोकनारायण सुवेदीले एक विज्ञप्ति जारी गरी दलको विधान २०६९, राजनीतिक दलसम्बन्धी ऐन २०७३ र नेपालको संविधान विपरित कट्टेलले दलको अहितमा काम गरेको र त्यसका लागि जाँचबुझ गर्न गठन गरिएको समितिको सिफारिसका आधारमा उनलाई निष्कासित गरिएको बताएका छन् ।

सो पार्टीको केन्द्रीय समिति बैठकले माघ ५ गते जाँचबुझ समिति गठन गरी कट्टेललाई स्पष्टीकरण सोधेको थियो । कट्टेलले समिति समक्ष स्पष्टीकरण दिएका थिएनन् । उनलाई राजनीतिक दलसम्बन्धी ऐन २०७३ को दफा १८, नेपाल कम्युनिष्ट पार्टीको विधान २०६९ धारा १७.११ बमोजिम दलको साधारण सदस्य समेत नरहनेगरी सम्पूर्ण पद जिम्मेवारीबाट निष्काशन गरिएको विज्ञप्तिमा उल्लेख छ । कट्टेल नेतृत्वको नेकपाले सर्वोच्चमा हालेको मुद्दामा फैसला हुँदा एमाले र माओवादी फुटेका थिए ।

प्रतिक्रिया दिनुहोस्

 

           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News