उद्योग अगाडि कसले राख्यो बम ?

काठमाडौँ, फागुन २०
मोरङको बुढीगंगामा उद्योग अगाडि भेटिएको शंकास्पद वस्तु बम भएको प्रहरीले बताएको छ ।

कोशी राजमार्ग अन्तर्गत प्रिमियर वायर्स उद्योग अगाडिको सडक किनारामा बिहीबार साँझ शंकास्पद वस्तु ‘कुकर’ फेला परेको थियो ।

उक्त बस्तु बम भएको पुष्टि गरेको जिल्ला प्रहरी कार्यालय मोरङका प्रहरी प्रवक्ता डिएसपी मञ्जील मुकारुङले जानकारी दिए ।

‘उक्त बस्तु बम भएको पुष्टि भयो,’ मुकारुङले भने, ‘सेनाको बम डिस्पोजल टोलीले डिस्पोज गरिसक्यो ।’ बम कसले राखेको हो भन्ने कुराको भने अझै पुष्टि नभएको उनले बताए । ‘हामी अनुसन्धानको क्रममा छौं,’ उनले भने ।