अब चौबिसै घण्टा खुल्ने भए रात्रिकालीन व्यवसाय

काठमाडौँ, फागुन २६
काठमाडौं । गृह मन्त्रालयले रात्रिकालीन व्यवसायमा लगाएको समय सीमा हटाएको छ । कार्यदलको सिफारिस अनुसार रात्रिकालीन व्यवसायलाई २४ सै घण्टा सञ्चालन गर्न दिने निर्णय भएको बताइएको छ ।

गृहमन्त्री बालकृष्ण खाँणले रात्रिकालीन व्यवसाय सञ्चालनबारे अध्ययन गरेर मापदण्ड बनाउन मन्त्रालयका शान्ति सुरक्षा महाशाखाका प्रमुख फणिन्द्रमणि पोखरेलको नेतृत्वमा १४ सदस्यीय कार्यदल बनाएका थिए ।

सोही कार्यदलको सिफारिस अनुसार गृह मन्त्रालयले होटल, रेस्टुरेन्ट, डान्स बार, दोहोरी, क्लब र लाउन्ज बारलगायत सबै किसिमका रात्रिकालीन व्यवसायलाई २४ घण्टा नै सञ्चालन गर्न दिने निर्णय गरेको हो ।