भोजपुरमा ट्याक्टर दुर्घटना, एक जनाको मृत्यु
![](https://www.deshkonews.com/wp-content/uploads/2019/10/accident.jpg)
काठमाडौं, ३० चैत
भोजपुर, रामप्रसादराई गाउँपालिका ५ कावाखोलास्थित सडकमा प्र.१-०२००३ त २२४९ नम्बरको ट्याक्टर अनियन्त्रित भई मंगलबार राति दुर्घटना हुँदा एक जनाको मृत्यु भएको छ ।
ट्याक्टरमा सवार सोही गाउँपालिका ७ बासिखोरा बस्ने २० वर्षीय जेबि राईको मृत्यु भएको प्रहरीले जनाएको छ ।
दुर्घटनामा गम्भीर घाइते भएका उनको जिल्ला अस्पतालमा उपचारको क्रममा मृत्यु भएको हो । हाल फरार ट्याक्टर चालकको प्रहरीले खोजी गरिरहेको छ ।
प्रकाशित मिति: ३० चैत्र २०७८, बुधबार