त्रिभुवन विमानस्थलमा बम राखेको हल्लापछि आन्तरिक उडानका यात्रु बाहिर निकालियो

काठमाडौँ, वैशाख २१
त्रिभुवन अन्तर्राष्ट्रिय विमानस्थलको आन्तरिक टर्मिनलमा बम राखेको हल्लापछि यात्रुहरूलाई बाहिर निकालिएको छ ।

महानगरीय प्रहरी कार्यालय रानीपोखरी निमित्त प्रमुख डिआईजी उत्तम सुवेदीले अज्ञात व्यक्तिले विमानस्थलको यात्रु पर्खने ठाउँमा बम राखेको भनेर फोनमा जानकारी आएपछि अहिले नेपाली सेना, सशस्त्र र नेपाल प्रहरीसहितको टोलीले सर्च अपरेसनमा लागेको बताए ।

उनका अनुसार आन्तरिक उडानका सबै यात्रुहरुलाई विमानस्थलको पार्किङ क्षेत्रमा निकालिएको छ।

अज्ञात व्यक्तिले विमानस्थलका ड्यूटी अफिसरलाई शंकास्पद बस्तु रहेको भन्दै फोन गरेका थिए। घटनाबारे प्रहरीले अनुसन्धान सुरू गरेको छ।