भोजपुरको आमचोक गाउँपालिकामा माओवादी विजयी
भोजपुर, जेठ २
भोेजपुरको आमचोक गाउँपालिकामा माओवादी केन्द्र विजयी भएको छ । यहाँ अध्यक्ष उपाध्यक्ष सहित माओवादी केन्द्रका उम्मेदवार विजयी बनेका हुन् ।
अध्यक्षमा माओवादी केन्द्रका अशोक राईले ३६ सय ८६ मत ल्याउँदै विजयी बनेका हुन् । उनका निकट्तम् प्रतिद्धन्द्धी एमालेका वसन्त राईले ३२ सय ५८ मत प्राप्त गरे ।
त्यस्तै उपाध्यक्षमा माओवादी केन्द्रकी सीता राई विजयी भइन् । उनले ३५ सय ६१ मत प्राप्त गर्दा उनका प्रतिद्धन्द्धी कांग्रेसका छिरिङ शेर्पाले ३२ सय २४ मत प्राप्त गरे ।
यहाँ एमाले र कांग्रेसको गठबन्धन थियो । यो पालिका २०७४ सालको स्थानीय निर्वाचनमा पनि माओवादीले नै जितेको हो भने अहिले विजयी बनेका उम्मेदवार नै पहिले पनि निर्वाचित भएका थिए ।
१० वटा वडा रहेको यहाँ माओवादीले ६ वटा वडा समेत जितेको छ । माओवादीले ५,६,७,८,९,१० नं वडा जितेको हो । कांग्रेसले १ र २ वडा त्यस्तै एमालेले ३ र ४ नम्बर वडा जितेको छ ।
प्रकाशित मिति: २ जेष्ठ २०७९, सोमबार
