काठमाडौं, असार ३
पाल्पाको पर्यटकीय स्थल रानीमहल क्षेत्रमा डुंगा पल्टिँदा ६ जना बेपत्ता भएका छन् ।

कालीगण्डकी नदीअन्तर्गत रानीमहल क्षेत्रमा घुम्न गएका पर्यटकहरु सवार डुंगा पल्टिँदा ६ जना बेपत्ता भएका हुन् ।

र्‍याफ्टिङ गर्नेहरू भारतीय पर्यटक रहेको बुझिएको पाल्पाका प्रमुख जिल्ला अधिकारी जगन्नाथ पन्तले जानकारी दिए । रानीमहल क्षेत्रमा रानीमहल तेजकुमारी बिच क्याम्पबाट डुंगा सञ्चालन भएको थियो ।

उक्त डुंगामा ७ जना रहेकोमा डुंगा चालकले एक जनालाई उद्धार गरे पनि बाँकी ६ जना कालीगण्डकी नदीमा बेपत्ता भएका हुन् ।

खोजी कार्यका लागि नेपाल प्रहरी, सेना र सशस्त्र प्रहरीलाई परिचालन गरिएको प्रमुख जिल्ला अधिकारी पन्तले बताए ।

प्रकाशित मिति: ३ असार २०७९, शुक्रबार