फोटो खिच्ने क्रममा सुन्दरीजलमा खसे एक किशोर
काठमाडौं, साउन ८
काठमाडौंको सुन्दरीजल खोलामा खसेर शनिबार दिउँसो एक किशोर बेपत्ता भएका छन् ।
विदा मनाउन साथीहरूसँग घुम्न गएका कपनका १६ वर्षीय सुमन श्रेष्ठ बेपत्ता भएका हुन् ।
आज दिउँसो सवा ४ बजेतिर खोलामा फोटो खिच्ने क्रममा बेपत्ता भएको स्थानीयले प्रहरीलाई जानकारी दिएका छन् । उनीसँगै अन्य सात जना घुम्न भनेर सुन्दरीजल पुगेका थिए ।
बेपत्ता भएका उनको नेपाल प्रहरी, नेपाली सेना र सशस्त्र प्रहरीको विशेष टोलीले खोजी गरिरहेको प्रहरी वृत्त बौद्धले जनाएको छ।
प्रकाशित मिति: ८ श्रावण २०७९, आइतबार
