गुप्तचरमा थापा र जोशी अतिरिक्त मुख्य अनुसन्धान निर्देशकमा बढुवा
![](https://www.deshkonews.com/wp-content/uploads/2022/08/rab.jpg)
काठमाडौं, साउन २७
सरकारले राष्ट्रिय अनुसन्धान विभागको अतिरिक्त मुख्य अनुसन्धान निर्देशकमा दुई जनालाई बढुवा गरेको छ ।
बिहीबार बसेको मन्त्रिपरिषद् बैठकले हुतराज थापा र ओम जोशीलाई राष्ट्रिय अनुसन्धान विभागको एआईजी सरहको पदमा बढुवा गरेको हो ।
थापा तेस्रो नम्बर वरियताका प्रतिष्पर्धी थिए । थापा हाल राअविको राजधानी प्रमुख थिए भने जोशी मधेश प्रदेशको कमाण्ड गरिरहेका थिए ।
हालका राष्ट्रिय अनुसन्धान विभाग प्रमुख यदुलाल खरेलले २३ भदौबाट अवकाश पाउँदैछन् ।
प्रकाशित मिति: २७ श्रावण २०७९, शुक्रबार