काठमाडौं, मंसिर १५
काठमाडौं उपत्यकामा आज बिहान यो वर्षकै कम तापक्रम मापन गरिएको छ ।

मौसम पूर्वानुमान महाशाखाले बिहीबार बिहान काठमाडौंको न्यूनतम तापक्रम ७.३ डिग्री सेल्सियस मापन गरेको हो । यो तापक्रम यो वर्ष आजसम्मकै सबैभन्दा कम हो ।

महाशाखाको पछिल्लो विवरणानुसार काठमाडौं उपत्यकाको अधिकतम तापक्रम २१.५ डिग्री सेल्सियस छ । देशका अन्य ठाउँमा पनि न्यूनतम तापक्रम घट्न थालेको छ । चिसो बढ्दै गएकाले न्यूनतम तापक्रम घट्न थालेको हो ।

मौसममा असर पार्ने प्रणाली नभए पनि जाडोयाम सुरु भइसकेकाले चिसो बढेको हो । देशभर नै बिहान र बेलुका चिसो धेरै छ । चिसोबाट बच्न आवश्यक सावधानी अपनाउन महाशाखाले अनुरोध गरेको छ ।

प्रकाशित मिति: १५ मंसिर २०७९, बिहिबार