चितवन-२ मा हुने उपनिर्वाचनमा भाग लिन १८ दल दर्ता

काठमाडौं, फागुन १७
आगामी वैशाख १० गते चितवन क्षेत्र नम्बर-२ मा हुने उपनिर्वाचनमा भाग लिन हालसम्म १८ दल दर्ता भएका छन् ।

फागुन १६ गतेसम्म उक्त संख्याको दल दर्ता भएको आयोगको प्रवक्ता शालिग्राम शर्मा पौडेलले जानकारी दिए ।

नागरिकता प्रकरणमा राष्ट्रिय स्वतन्त्र पार्टीका सभापति रवि लामिछानेको सांसद पद खारेज भएपछि रिक्त रहेको चितवन- २ मा उपनिर्वाचन हुन लागेको हो ।