न्युजिल्याण्डमा फेरि शक्तिशाली भूकम्प, दुईको मृत्यु, विस्तृत विवरण आउन बाँकी
एजेन्सी ।
न्युजिल्याण्डमा फेरि शक्तिशाली भूकम्प गएको छ ।
न्युजिल्याण्डको दक्षिणी आइल्याण्ड केन्द्रविन्दु भएर ७ दशमलव ८ रेक्टर स्केलको भूकम्प गएको अन्तर्राष्ट्रि सञ्चारमाध्यमले जनाएका छन् ।
भूकम्पमा परि दुईजनाको ज्यान गएको छ । भूकम्पको धक्का राजधानी वेलिङटनसहित आसपासमा महसुस गरिएको छ ।
भूकम्पका कारण भवन भत्किएका छन् भने बाटो चिरा परेको छ ।
मानिसहरु खुला चौरमा बसेका छन् ।
तर विस्तृत विवरण भने आउन सकेको छैन । भूकम्पमा परेर ज्यान गुमाउनेको सँख्या बढ्न सक्ने अनुमान गरिएको छ ।
भूकम्प गएको दुई घण्टापछि साढे दुई मिटर अग्लो सुनामी छाल पनि आएको थियो ।
भूकम्प प्रभावित क्षेत्रमा हेलिकप्टर मार्फत उद्धार तथा राहत साम्रगी पुर्याइएको जनाइएको छ ।
