नेविसंघले नै गर्यो खाँणलाई निलम्बन गर्न माग गर्दै प्रदर्शन
![](https://www.deshkonews.com/wp-content/uploads/2023/05/nebisangh.jpg)
काठमाडौं, वैशाख ३१ । नेविसंघका कार्यकर्ताहरुले पूर्वगृहमन्त्री बालकृष्ण खाँणलाई कांग्रेसबाट निलम्बन गर्न माग गर्दै प्रदर्शन गरेका छन् ।
नेविसंघ त्रिचन्द्र क्याम्पस इकाइले प्रदर्शन गर्दै नक्कली भुटानी शरणार्थी प्रकरणमा पक्राउ परेका कांग्रेस केन्द्रीय सदस्य समेत रहेका खाँणलाई निलम्बन गर्न माग गरेको हो।
उनीहरुले ‘सभापति ज्यु खाँणलाई किन निलम्बन नगरेको रु’ लेखिएको प्लेकार्डसहित प्रदर्शन गरेका थिए । नेविसंघको झण्डासहित प्रतिकात्मक रुपमा कागजको हत्कडी र कैदीबन्दीले लगाउने पोशाक समेत प्रदर्शन गरेका छन् ।
नक्कली शरणार्थी बनाएर अमेरिका पठाउने गिरोहसँग रकम लेनदेन गरेको आरोपमा प्रहरीले खाँणलाई वैशाख २७ मा पक्राउ गरेको थियो । उनीमाथि अहिले प्रहरीले अनुसन्धान गरिरहेको छ ।
प्रकाशित मिति: ३१ बैशाख २०८०, आइतबार