काठमाडौं, जेठ ४ । नक्कली भुटानी शरणार्थी प्रकरणमा प्रहरीले नेपाल हज कमिटीका अध्यक्ष शमसेर मियालाई पक्राउ गरेको छ । प्रहरीले उनलाई सिंहदरबार भित्रैबाटै पक्राउ गरेको हो ।

प्रकरणमा मियाले प्रयोग गर्ने सरकारी गाडी पैसा ओसार्ने काममा प्रयोग गरेको पाइएपछि उनलाई पक्राउ गरिएको प्रहरीले जनाएको छ । प्रकरणमा पक्राउ पर्ने डरले उनी सम्पर्कविहीन भएका थिए ।

पैसा ओसार्न प्रयोग गरिएको भन्दै प्रहरीले उनले प्रयोग गर्ने बा.१झ १५८१ नम्बरको सरकारी गाडी समेत बरामदसमेत गरेको जनाएको छ ।