आईजीपी कुँवरलाई पनि निलम्बन गरि छानविन गर्न माग
काठमाडौं, जेठ १० । राष्ट्रिय प्रजातन्त्र पार्टीका प्रमुख सचेतक ज्ञानबहादुर शाहीले नेपाल प्रहरीका प्रहरी प्रमुख बसन्त कुँवरलाई निलम्बन गर्न माग गरेका छन् ।
आजको प्रतिनिधिसभाको बैठकमा भएको नीति तथा कार्यक्रममा भएको छलफलमा बोल्दै सांसद् शाहीले शरणार्थी प्रकरणको सम्बन्धमा कुँवरको नाम मुछिएको भन्दै उनलाई निलम्बन गरेर छानबिन गर्न माग गरेका हुन् ।
उनले तीन दलका नेताहरु बसेर मुद्दा कमजोर पार्ने काम भइरहेको आरोपसमेत लगाए । अहिले आईजीपीका बारेमा पनि कुरा बाहिर आएको भन्दै उनले निलम्बन गरेर छानविन गर्नुपर्ने धारणा राखे ।
कसैलाई कानून लाग्ने र कसैलाई नलाग्ने भन्ने नहुने भन्दै उनले भने, ‘आज नेपाल प्रहरीका आइजीपीका बारेमा पनि पत्रपत्रिकामा आइरहेको छ । एउटा कर्मचारीलाई निलम्बन गरेर छानबिन गर्ने कि नगर्ने ? त्यतिमात्र हैन, अन्य नेताहरूको आइरहेको छ । तिनीहरूलाई के गर्ने ?’ उम्काइदिने ?’
प्रकाशित मिति: १० जेष्ठ २०८०, बुधबार
