घानामा डुङ्गा दुर्घटना हुँदा ५ जनाको मृत्यु, कैयौं बेपत्ता
आक्रा । घानाको सभाना क्षेत्रमा डुङ्गा डुब्दा कम्तीमा पाँच जनाको मृत्यु भएको छ । दुर्घटनामा थुप्रै बेपत्ता भएका छन् ।
राष्ट्रिय प्रकोप व्यवस्थापन सङ्गठन (एनएडीएमओ) का सवाना क्षेत्रीय संयोजक बावुक एडम्सले सिन्ह्वालाई बताएअनुसार केपान्डाई जाँदै गरेको डुङ्गा बाटोमा रहेको रुखमा ठोक्किएपछि उक्त दुर्घटना भएको हो।
रूखमा ठोक्किएपछि डुङ्गा डुबेको बएडम्सले बताएका छन् । घटनास्थलबाट पाँचवटा शव निकालिएको बताइएको छ । डुङ्गामा कति यात्रु थिए भन्ने अझै निश्चित हुन सकेको छैन ।
खोज एवं उद्धार टोलीले केही यात्रुहरूलाई सकुशल उद्धार गरेको छ भने खोजी कार्य अझै जारी रहेको जनाएको छ ।
प्रकाशित मिति: १४ जेष्ठ २०८०, आइतबार
