नागरिकता विधेयक प्रमाणीकरण भएपछि मनिषा कोइरालाले सम्झिन् लेन्डुप दोर्जे
काठमाडौं, जेठ १७ । राष्ट्रपति रामचन्द्र पौडेलले विवादित नागरिकता विधेयक प्रमाणीकरण गरेपछि यसको व्यापक आलोचना भइरहेको छ ।
त्यसैमाथि प्रधानमन्त्री पुष्पकमल दाहाल ‘प्रचण्ड’ को भारत भ्रमणकै दिन विधेयक प्रमाणीकरण भएपछि सामाजिक सञ्जालमा चर्को आलोचना सुरू भएको हो। भारतलाई खुसी पार्न सरकारले दलाली चरित्र देखाएको धेरैको टिप्पणी छ ।
प्रतिपक्ष दलका नेताहरुलगायत नागरिक अधिकारकर्मीलगायतले यसको विरोध गरिरहेका छन् । यसैक्रममा अभिनेत्री मनिषा कोइरालाले पनि राष्ट्रपति पौडेलको कदमको आलोचना गरेकी छन् । उनले उनले राष्ट्रपतिलाई नयाँ लेन्डुप दोर्जेको संज्ञा दिएकी छन् ।
ट्वीटरमा एक समाचार शेयर गर्दै उनले लेखेकी छन्, ‘उहाँलाई यो कुर्सी दिइएको थियो भन्ने सोच्न कठिन छैन । लेन्डुप दोर्जेको याद आयो ।’
प्रकाशित मिति: १७ जेष्ठ २०८०, बुधबार
