बहुविवाहको आरोपमा माओवादी केन्द्रका नेता निलम्बित
काठमाडौं, असोज १ । नेकपा माओवादी केन्द्रले बहुविवाहको आरोपमा एक प्रदेश स्तरका नेतालाई निलम्बन गरेको छ ।
पार्टीका सुदूरपश्चिम प्रदेश सचिवालय सदस्य शेरबहादुर चौधरीलाई माओवादीले ६ महिनाका लागि निलम्बन गरेको हो ।
कैलालीको भजनी नगरपालिकाका पूर्व प्रमुख समेत रहेका उनले केही समयअघि बहुविवाह गरेको बताइएको छ । पार्टीमा उजुरी परेपछि उनले आफ्नो कमजोरी स्वीकारेका थिए ।
उनको कमजोरी पुष्टि भएसँगै केन्द्रीय कार्यालयको बैठकले उनलाई निलम्बनको निर्णय गरेको जनाइएको छ ।
प्रकाशित मिति: १ आश्विन २०८०, सोमबार
