एमालेले बोलायो सचिवालय बैठक
काठमाडौँ, चैत ३० । नेकपा एमालेले केन्द्रीय सचिवालय बैठक बोलाएको छ ।
वैशाख २ गते दिउँसो बस्ने गरी सचिवालय बैठक बोलाइएको एमाले केन्द्रीय कार्यालयका सचिव डा। भीष्म अधिकारीले जानकारी दिए ।
उनका अनुसार पार्टी केन्द्रीय कार्यालय च्यासलमा बस्ने सचिवालय बैठकमा राष्ट्रिय महाधिवेशन प्रतिनिधि परिषद् बैठकको तयारीका सन्दर्भमा छलफल हुनेछ ।
एमालेको राष्ट्रिय महाधिवेशन प्रतिनिधि परिषद् बैठक वैशाख ८ देखि १० गतेसम्म बस्दैछ ।
प्रकाशित मिति: ३० चैत्र २०८०, शुक्रबार